Media6.az Anadolu Agentliyinə istinadən xəbər verir ki, Mədəniyyət və Turizm Nazirliyinin 2024-cü ilin yanvar-aprel dövrünə aid məlumatına görə, Türkiyəyə gələn ziyarətçilərin 10 milyon 654 min 94-ü əcnəbi olub.
Türkiyə Statistika Təşkilatının son üç ayda xaricdə yaşayan vətəndaşların statistikasına görə, Türkiyəyə 2 milyon 24 min 865 Türkiyə vətəndaşı səfər edib. Beləliklə, ziyarətçilərin ümumi sayı 12 milyon 678 min 959-a çatıb.
Ötən ilin eyni dövrü ilə müqayisədə xarici ziyarətçilərin sayında 11,75 faiz artım olub.
Turistlərin əksəriyyəti Almaniyadandır
Almaniya bu ilin ilk 4 ayında Türkiyəyə ən çox ziyarətçi göndərən ölkələr arasında yüzdə 16,20 artım və 1 milyon 122 min 930 ziyarətçi ilə birinci olub. Rusiya 1 milyon 78 min 294 ziyarətçi ilə ikinci, İran isə 51,78 faiz artım və 946 min 437 ziyarətçi ilə üçüncü yerdədir. Bu ölkələri Bolqarıstan və İngiltərə izlədi.
Aprel ayında artım tempi 8 faizi ötüb
Aprel ayında Türkiyəyə gələn xarici ziyarətçilərin sayı keçən ilin eyni ayına görə yüzdə 8,71 artaraq 3 milyon 611 min 244 nəfərə çatıb.
Aprel ayında Türkiyəyə ən çox ziyarətçi göndərən ölkələr arasında Almaniya 434 min 863 nəfərlə birinci olub. Rusiya yüzdə 4,07 artımla 396 min 155 nəfərlə ikinci olarkən, İngiltərə yüzdə 18,01 artımla 330 min 112 nəfərlə üçüncü olub. Bu ölkələri Bolqarıstan və İran izlədi.
Türkiyə turizmi 2024-cü ildə müvəffəqiyyət nisbətini artıraraq böyüməyə davam edir.
