ABŞ-nin Yaşıllar Partiyası həkim, ekoloji fəal, Ukraynaya hərbi və maliyyə yardımı göstərilməsinin əleyhdarı Cil Steyni ölkə prezidentliyinə namizəd kimi irəli sürüb.
Oxu.Az lenta.ru-ya istinadən xəbər verir ki, bu qərar "YouTube"da yayımlanan partiya qurultayının yekunlarına əsasən qəbul edilib.
Tədbir videokonfrans formatında keçirilib. Steynin namizədliyini 267 nəfər dəstəkləyib.
74 yaşlı Steyn artıq 2016-cı ildə ABŞ prezidentliyinə namizədliyini irəli sürüb və o zaman bir faiz səs toplaya bilib.
Qeyd edək ki, hazırda ABŞ prezidentliyinə başlıca namizədlər Demokratlar partiyasından hazırki vitse-prezident Kamala Harris, Respublikaçılardan isə eks-prezident Donald Trampdır.
ABŞ-də prezident seçkisi noyabrın 5-də keçiriləcək.
.jpg)
